Lars-Emilip Folketingimi Socialdemokratit suleqatigilerpai

Folketingimi ilaasortap Lars-Emil Johansenip Atlantikup Avannaamiut Folketingimi Suleqatigiiffiat qimallugu Folketingimi Socialdemokratit suleqatigilerpai.

aggustip 14-at 2009 10:37

Tamaanna pivoq siumup siulitaasuata Aleqa Hammondip Socialdemokratillu suleqatigiinnissamik isumaqatigiissummik ullaaq atsioqatigiinnerisigut.

- Isumaqatigiissut naapertorlugu Siumup Folketingimi ilaasortaatitaata Socialdemokratit Folketingimi ilaasortaatitaasa ataatsimiinnerini, partiit ataatsimiinnerini, ataatsimeersuarnerini nunat tamalaat akornanni ataatsimiinnerini qaqugukkulluunniit peqataasinnaalerneranik

kinguneqarpoq. Allaffissornikullu suleqatigiinnissaq isumaqatigiissutaavoq.

Lars-Emil Johansen aperaara Atlantikup Avannaamiut Folketingimi suleqatigiinnerisa sakkortusarnissaat pingaarnerunnginnersoq.

Lars-Emil Johansenip Folketingimi toqqaannartumik suleqateqarnissani kissaatiginartinneruvaa, immikkut suliniaqatigiiffimmersuusutut

isigineqarnermiit.

- Kalaallit nunaata namminiilivinnissaanut apeqqut qanoq sulissutigineqassanersoq maanna nunatsinnilerpoq, taama Lars-Emil Johansen naggasiivoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.