Lars-Emil aamma Vittus: Pituffik pillugu suliaq Nunatta Danmarkillu akornanni pissutsinik ajornerulersitsiinnarpoq
Inatsisartut siulittaasuata Lars-Emil Johansenip, filmip takuteqqaarneqarnerata kingorna Danmarkip Radioanut oqaatigaa Pituffimmut atatillugu suliaq aallaavigalugu Danmarkimi tunngaviusumik inatsit allanngortinneqartariaqartoq, nunanut allanut tunngasunut politikki Kalaallit Nunaannit nammineq akisussaaffigineqalerniassammat.
AAMMA ATUARUK "Idealisten" naliliisartunit tigulluarneqartoq
Nunanut allanut tunngasunut naalakkersuisup Vittus Qujaukitsup Danmarkip Radioata aallakaatitassiaani pineqartumi aamma piumasaraa allagaatit, toqqorsivimmiititat, tamanut ammaanneqartariaqartut, assersuutigalugu sikup ataaniittunut tunngasunut isertugaateqartoqarnersoq paasineqarsinnaaniassammat.
Pituffimmut tunngatillugu suliaq Kalaallit Nunaata Danmarkillu akornanni pissutsinik ajornerulersitsiinnarsimasoq, marluullutik oqaatigaat.
AAMMA ATUARUK "Idealisten" eqqarsalersitsisoq takuteqqaarneqalersoq
Pituffimmut atatillugu suliaq Naalagaaffeqatigiinnerup oqaluttuarisaanerani mamianartuliaasoq, Lars-Emil Johansenip oqaatigaa. Kalaallit Nunaata Danmarkimut ilaatigut tatiginninnginnera Pituffimmi suliamut aamma tunngassuteqartoq, taassuma oqaatigaa.