Inatsisinik atuutsitsinermut ministeri: Ilisimannittut sioorasaarneqaqqunagit illersugaassapput
Ilisimannittutut politeeqarfimmut eqqartuussivummulluunnit aggersarneqaraanni, sioorasaarneqarnissaq qanigisalluunniit sioorasaarneqarnissaat ermassutigineqartassanngilaq.
Danskit inatsisinik atuutitsinermut ministeriat Søren Pape Poulsen (K) taama isumaqarpoq.
AAMMA ATUARUK Sioorasaarinermi kingorna aallanngitsoortoq
Inummut ilisimannittutut nassuiaateqartussamut nakuusernissamik, pinngitsaaliinissamik imaluunniit pigisanik aserorterinissamik sioorasaarineq ullumikkut pillarneqaataasinnaavoq - tamatumanilu inuinnaat saqittaattarneranni imaluunniit pinerluttaalisitsinermut tunngatillugu suliassaanersoq apeqqutaatinneqarneq-ajorpoq.
Danskilli inatsisinik atuutitsinermut ministeriata ilisimannittunut sioorasaarinernut tunngatillugu malittarisassat amerlisaruppai - ilaatigut aningaasatigut kingunerluutaasussanik imaluunniit inuttut atukkatigut kingunerluutaasussanik sioorasaaruteqartarnerit ilanngunneqassallutik.
Ilisimannittut sioorasaarneqarnissamut pitsaanerusumik illersugaanissaat Nunatsinni Eqqartuussiveqarnermi Siunnersuisoqatigiinnit siornatigut inassutigineqareerpoq.
Tamannalu pingaartumik nunatsinni ikiaroornartulerisut akornanni pissutsit peqqarniinnerulersimanerinik pissuteqarpoq, ilisimannittunut sioorasaaruteqartarnerit ukiut siuliinut naleqqiullugit amerligaluttuinnarsimallutik.
AAMMA ATUARUK Aallaasit toqqortarineqartarnerinut piumasaqaatit sukannernerusut
