Sioorasaarinermi kingorna aallanngitsoortoq

Mittarfimmut tunniussiartortilluni sioorasaarisoqassanngilaq, piaaraluniluunniit aamma taamaaliortoqassanngilaq. Nuummit Islandimiut angalasussap tamanna uppernarsivaa.

Nuummit Islandimut timmisartumik angalasussap timmisartoq ilaaffissani qangattartoq pingasunngormat isiginnaaginnartariaqarsimavaa.

Ilaasussarmi nassataminik tunniussinermini sioorasaaruteqarsimavoq, tamannalu Nuummi politiinut erngertumik nalunaarutigineqarluni. Pineqartoq killisiorneqareerami ingerlasinnaasimavoq timmisartumilli ilaaffissamit qimataalluni, Mittarfeqarfiit nittartakkaminni taama allaaserisaqarput.

Tamatumunngalu atatillugu Mittarfeqarfinnit erseqqissaassutigineqarpoq sioorasaarinerit tamarluinnarmik pimoorullugit isumagineqartarmata - quisaarutiginiarneqaraluarpataluunniit. Mittarfinni isumannaallisaanerup qaffasissuunera nunani tamalaani malittarisassat malippaat ilinnillu ilaasutut illersuisussaalluni.

Sioorasaarisoqartillugu isumannaallisaanikkut periutsit aalajangersimalluinnartut najoqqutareqqissaarneqartarput, Mittarfeqarfiit taama erseqqissaateqarput.