VIDEO Kunngissaq Frederik ACR-imut Nuummi sungiusarpoq
![](/sites/default/files/styles/image_934x467/public/oembed_thumbnails/2022-12/jFJ2nw6tfNjd9tKzzWyZfLSSBX3NrNdp2y5D27m_iQo.jpg?itok=xvGEDrG5)
Kunngissaq Frederiup Nuummi ujakkaartartut peqatigiiffianit NSP-meersut ippassaq ualigaa sungiusaqatigigamigit nuannisarnera qularutissaanngilaq.
Nunarsuarmimi ujakkaarluni unamminerit sakkortunersaanni Arctic Circle Racemut, Sisimiuni apriilip aallartinnerani pisussamut peqataaniarluni siunniussaqarsimavoq.
- Piareersarpunga. Taava unammersuarnissaq nallerutsigu pitsaanerpaaffissannut pissaanga.
Aamma atuaruk ACR sunut tamanut piareersimavoq - aamma kunngissaq Frederimmut
Kunngissaq Frederik illup iluani ujakkaartuusaarutinik, Sjællandillu avannaani qattunerasaartumi aqqusinermi ujakkaarutit atorlugit novemberimili sungiusalersimavoq.
- Ajoraluartumik aputilimmi sungiusarnissannut periarfissaqarpallaarneq ajorpunga. Ukuli sisoraatit ACR-eqarnissaanut atugassarigunakkakka misilillugit nuanneqaaq.
ACR-imullu tunngatillugu aperigaanni qilanaarluinnarpoq.
- Soorlumi ingerlalluassallunga. Kalaallit nunaata pinngortitarsuani nuannersumik misigisaqarnissara qilanaareqaara. Soorunami aamma kiagulaarnissara qilanaaraara. Taanna kisiat oqaatigisinnaavara. Aqqutigineqartorlu ukiut tamaasa allanngorartarmat oqaatigiuminaappoq piffissaq qanoq sivisutigisoq atussaneriga.
Arctic Circle Race ukioq manna ukiut 20-nngortorsiussavaat.
Aamma atuaruk Arctic Circle Race aappaagu aallartippat kunngikkormiunit peqataasoqariaannaasoq