Arctic Circle Race aappaagu aallartippat kunngikkormiunit peqataasoqariaannaasoq
Aaqqissuussaq Sverigemi pingaaruteqarnerit ilaannut ilaavoq, Sverigemilu sakkortunerpaanut ilaalluni.
- Timersuutinik assigiinngitsunik naammassisaqarluni uannut nuannerlunilu naammaginartupilussuuvoq, kunngissaq Frederik, Sverigemi aviisit ilaannut Aftonbladetimut ilaatigut oqarpoq.
Tullianilu anguniagassamisut siunniussani nangilluni oqaatigalugu:
- Arctic Circle Race utoqqalivallaartinnanga naammasserusuppara, kunngissaq Frederik Aftonbladetimut oqarpoq, 160 kilometeritullu isorartutigisumik Sisimiuni ujakkaarneq nunarsuarmi sakkortunerpaatut taallugu:
- Peqataanissamut tikilluaqqunaqaaq, Arctic Circle Race-ip siulittaasua Jens Klaus Lennert KNR-imut oqarpoq.
- Arctic Circle Race aappaagu 2016-imi ukiunik 20-nngortorsiusssaaq, kunngissarlu nalliuttorsiornissamut peqataaniarpat nuannissaqaaq, Jens Klaus Lennert oqarpoq.
Arctic Circle Race 2016 apriilip aappaagu tassa aallaqqaataani aallartittussatut naatsorsuutigineqarpoq.