Kunngikkormiut umiarsuaat teknikkikkut ajoquteqalerami kalinneqarluni talittarfimmukaanneqartoq

Kunngikkormiut umiarsuaat Savalimmiunukartilluni teknikkikkut ajoquteqalerpoq, motorillu marluk unittoorlutik.

Dronningip pisortatigoortumik sapaatit akunnerata tulliani tikeraarnissaa sioqqullugu taamaattoqarpoq. Dronningili kunngikkormiuniillu allat teknikkikkut ajortoornermi umiarsuarmiinngillat.

Dronninngilli sapaatit akunnerata tulliani tikeraarnissaanut pilersaarut naammassineqassasoq kunngikkormiut attaveqaqatigiinnermut immikkoortortaqarfiata paasissutissiissutigaa.

- Kunngikkormiut umiarsuaat maskiinakkut ajoquteqarami Frederikshavnimut kalinneqarpoq. Dronninngili Savalimmiunut pilersaarutaasutut tikeraassasoq uppernarsarsinnaavarput, allapput.

Utaqqisut

Kunngikkormiulli umiarsuaat Savalimmiunut aallarneq sioqqullugu iluarsaanneqarsinnaanersoq illersornissamut aqutsisoqarfiup maannakkut paasissutissiissutigisinnaanngilaa.

- Umiarsuaq Frederikshavnimut maanna talittarfiliaanneqareerpoq, qanorlu sivisutigissanersoq teknikerit amutsivimmilu sulisut maanna paasiniassammassuk, suli oqaaseqarfigisinnaanngilara, Jens Lundborg Ritzauimut oqarpoq.

Kunngikkormiut angalanissaminnut umiarsuarmit allamik qinigaqannginnerminni Dannebrog qanoq ajoquteqartiginersoq paaseqqaarusuppaat.

Savalimmiunut angalaneq dronningip piffissaq angalaffianut ilaavoq.

Savalimmiuneereeruni nunatsinnut juulip ulluisa 24-annit aggustip ulluisa tallimaannut tikeraassaaq.