Kulturimut aningaasaliissutit pingajussaa agguaanneqarput
![](/sites/default/files/styles/image_934x467/public/kulturikkut_nersornaasiineq_21juni_2017-7.jpg?itok=wNgJyFRn)
Aningaasat agguaanneqartut kulturikkut suliniutinut assigiinngitsunut sisamanut agguaanneqarput.
Kultureqarnermut suliniutinut assigiinngitsunut arfineq marlunnut 719.000 koruuninik tunniussisoqarpoq.
Taakkunannga ilaallutik eqqumiitsulianik saqqummersitsinerit, isiginnaartitsinerit allallu, soorlu Jim Milnep juullerpalaartunik nipilersukkanik tusarnaartitsilluni angalanissaanut aningasaliineq.
AAMMA ATUARUK Kuinerrami kulturimut illoqalersoq
Filmiliornermik ingerlataqartunut katillugit 927.000 koruuninik tunniussisoqarpoq, filmiliorluni suliniutinut arfineq marlunnut aningaasaliisoqarpoq, filmiliani oqaluttualiornernut piviusulersaarusiornermilu atorneqartussat.
Taakkununnga ilaalluni Ivalo Frankip silaannaap allanngoriartornera pillugu piviusulersaarusiassaanut.
Filmiliap nutaap Anorip sinerissami takutinneqarnissaanut aningaasaliisoqarpoq, aamma filmiliortartup Nina Skydsbjergip
suliniutaanut pingasunut aningaaliisoqarluni.
Kalaallisut atuakkianik saqqummersitsinissanut tallimanut, aningaasanik katillugit 507.000 koruuninik agguaassisoqarpoq, ilaatigut milik publishing Ole Brandtip atuakkiai Tulluartoq 1 & 2-p saqqummerseqqinnissaanut tapertilluni.
Taakkununnga ilaapput assilliisartoq Inuuteq Storch aamma Anna Elionora Olsen Rosing, saarulliit amii atorlugit misileraalluni eqqumiitsuliortumut, qaammatikkaartumik 22.000,00 koruuninik aningaasalersorneqassapput.
Qinnuteqarfissaq tulleq februaarip ulluisa aallaqaataannut 2019-imut killeqarpoq.
Kulturikkut suliniutit suut kulturimut aningaasaliissuteqargfigineqarnersut uani takusinnaavat.
AAMMA ATUARUK Ukioq manna kulturimut aningaasaliissutinit agguaassineq kingulleq