Koreamiu aatsitassanik ujarlertartoq: Kalaallit Nunaat pitsaviuvoq
Korea Kujallermi Naalakkersuisut nutaat ivertinneqaqqammerput soorluttaaq nunatsinni aamma taamaattoq.
- Korea Kujallermi naalakkersuisut februar-ip qaammataani ivertinneqarput, præsidentinngorpoq arnaq Park Geun-hye, taanna siuliminut sanilliulluni issittumi pissutsinut aatsitssanullu soqutiginninneruvoq .
Ujarassiuutut præsident-ip tamakkuninnga soqutiginninnera nuannaarutigisorujussuuvara, Korea Kujallermi ilisimatuussutsikkut sullissivimmi KIGAM pisortaq Sung-Won Park oqarpoq.
Korea Kujallermi ilisimatuussutsikkut sullissivik KIGAM Qallunaat Nunaanni Kalaallit Nunaannilu Ujarassiuut Misissuisoqarfiat GEUS qanittumik suleqatigalu
Narsami kuannersuarni killavaannilu saffiugassanik qaqutigoortumik aatsitassaqarfiusumi ilisimatuussutsikkut misissuisoqarpoq.
- Kuannersuarni saffiugassanik qaqutigoortunik savinissanillu annertoorussuarnik nunarsuarmi allanik taama annertugisumik nassaarineqarsinnaanngitsunik peqarpoq.
Nunarsuarmi sumiiffinni assigiingitsuni saviminissat saffiugassallu qaqutigoortut nassaarineqarsinnaasut 200iuupput. Taakkunannga 26-it Kalaallit Nunaanni nassaarineqarsinnnaaput
Kujataani saffiugassanik savinissanillu misississugassanik arlaqartunik tigusivugut. Taakkua Korea-mukaatissavakka misissoqqissaarlugillu.
GEUS-imi ilisimatuut suleqatigalugit paasisagut nalunaarutigisarumaarpagut. Sung-Won-Park oqarpoq.
Saffiugassanik qaqutigoortunik Sydkorea-miut nunarsuarmi atuinerpaanut ilaapput, direktøri oqaluttuarpoq.
Taamaaattumik kujataani ilisimatuussutsikkut sulinertik ingerlatiinnarniarpaat.
Korea Kujallermi ilisimatuussutsikkut misissuisarfik KIGAM aamma Kalaallit Nunaannilu Ujarassiuut Misissuisoqarfiat GEUS ilisimatuussutsikkut suleqatigiinnissamik ukiormanna isumaqatigiissummik atsioqatigiipput, taanna Korea Kujalliup præsident-ata Kalaallit Nunaannut pisortatigoortumik siorna tikeraarneranut atatillugu suleqatigiinnerunissamut isumaqatigiissummut ilassutaavoq.
Kalaallit Nunaani suliffeqarfiit ilaat Korea Kujallermiunik suleqateqalernikkut iluanaaruteqarsinnaasut ilagaat aatsitassarsiorfik Nunaminerals
- Korea Kujalleq saffiugassanik assigiingitsorpassuarnik pisariaqartsitsivoq. Biilinik umiarsuarnik, telefon-inik, mobil-inik fjernsyn-inik qarasaasianillu sanaartornerminni tunisassiornertik ingerlatiinnarniarunikku aatsitsassanik pisariaqartitaminnik nunanit allanit pisariaqartitsisipput, NunaMinerals-ip pisortaa Ole Christiansen oqarpoq, - pisariaqartitsinertik aallaavigalugu Kalaallit Nunaanni aatsitassanut soqutiginninnerat tunngavissaqarluartoq isumaqarpunga, Ole Christiansen oqarpoq.
Nunaminerals-ip pisortaa Ole Christiansen taama oqarpoq,
Korea Kujallemiut aallartitaannut saqqummiussivoq, suliffeqarfiit nunatsinniittut allat peqatigalugit.