Korea Avannarliup Korea Kujalliup tungaanut killeqarfik matuinniaraa
Korea Avannarliup Kujalliullu akornanni pissutsit najummassimanartuarsinnarput, Korea Avannarliullu killeqarfik maanna matuinniarpaa.
Korea Avannarliup Kujalliullu akornanni killeqarfik nunani tamalaani sakkutuulersorneqarnerpaanut ilaareerpoq.Taamaattoq Korea Avannarlermiu Korea Avannarlermit Kujallermut ukioq manna aggustimi qimaasinnaasimavoq.
Allattoq Ritzau
oktobarip 09-at 2024 08:55
Nutserisoq Mads Lynge
Korea Avannarliup Korea Kujalliup tungaanut killeqarfik matuinniarpaa.
Korea Avannarliup naalakkersuisui taama ilisimatitsipput.
Korea Avannarliup Korea Kujalliup tungaanut killeqarfik qangalili matuniarsimagaa tamaani pissutsit pillugit naliliisartoq isumaqarpoq.
Korea Kujallermut aqquserngit qimuttuitsullu aqqutaat assiaqusersorneqarsimapput, sumiiffinnilu assigiinngitsuni qaartartut nunamut matoorussat inissinneqarsimallutik.
Korea Avannarliup Kujalliullu akornanni killeqarfik nunani tamalaani sakkutuulersorneqarnerpaanut ilaareerpoq.Taamaattoq Korea Avannarlermiu Korea Avannarlermit Kujallermut ukioq manna aggustimi qimaasinnaasimavoq.
