Konservatiivit oqaaseqartartuat politikkimut utilersaarpoq
Konservatiivit Kalaallit Nunaat pillugu oqaaseqartartuat Per Ørum Jørgensen imigassartorsimalluni biilernermi kingorna folketingimi sulinini poorskip kingorna nangeqqinniarlugu nalunaarpoq.
Allattoq Louise M. Kleemann
marsip 02-at 2010 08:06
Per Ørum Jørgensen aalakoorluni billersimasutut politiinit paasisaanermi kingorna qaammat ataaseq sulinngiffeqarpoq.
- Folketingimi ilaasortatut sulinera poorskip kingorna nageqqinniarlugu aalajangerpunga, Per Ørum Jørgensen tusagassiuutinut nalunaarummini taama oqarpoq.
Per Ørum Jørgensen imigassamik atornerluisuunini pissutigalugu katsorsaariaaseq Minnesota atorlugu sapaatit akunnerini tallimani katsorsartippoq.
Politiinit qaammatip ataatsip matuma siorna unitsinneqarnerminut atatillugu aassiorneqarami 1,3 aamma 1,4 promillit missaannik annertussusilimmik imigassartorsimasoq, paasineqarpoq.