Kommunit nutaat atii ilisarnaataallu saqqummiunneqarput
Ikaarsaariarnermi ataatsimiititaliat marluk inuiaassutsimik ullorsiorneq atorlugu kommunit nutaat atiinik ilisarnaatissaannillu pisortatigoortumik nalunaaruteqarput taakkualu saqqummiullugit, Qaasuitsup Kommunia tusagassiuutinut nalunaaruteqarluni taama allappoq.
AAMMA ATUARUK Qaasuitsup kommuniani unammisitsineq unippoq
Qaasuitsup kommuniata avannarlersaa ukiortaamiit ateqalissaaq, Avannaata Kommunia, Qaasuitsullu kommuniata kujasinnerusortaa ateqalissaaq Kommune Qeqertalik, qeqertarpassuaqarnera pissutaatinneqarluni.
Qaasuitsup avannarliup nutaamik ateqalernissaannut taassumalu nutaamik ilisarnaateqalernissaanut siunnersuutinik 261-nik nassitsisoqarpoq, nutaamillu ilisarnaateqalernissaanut siunnersuutinik 150-nik nassitsisoqarluni.
Kommunit atissaannik ilisarnaatissaannillu siunnersuuteqarlutik ajugaasut, kommunemit allagarsiumaartut, Qaasuitsup kommunia tusagassiuutinut nalunaaruteqarluni taama allappoq.
AAMMA ATUARUK Kommunit nutaat qanoq ateqasappat?
