Periarfissaq kingulleq Qaasuitsup kommuniani unammisitsineq unippoq
Nunatsinnni kommunit nutaat marluk atissaanik ilisarnaatissaannillu unammisitsinerit ataasinngorpamut killeqarput.
Tassalu Qaasuitsup kommuniata avinneqarnerata kingorna avannaani kommunit nutaat marluk atissaannik ilisarnaatissaannillu peqalersussaammata.
Qaasuitsup Kommuniani innuttaasut Siorapalummiit Attu tikillugu najugaqartut kommunit atissaannik nutaanik apriilip qaammataa naallugu siunnersuuteqarnissaminnik periarfissinneqarput.
AAMMA ATUARUK Kommunit nutaat qanoq ateqasappat?
Unammisitsineq maajip aallaqqaataanut killeqarpoq, kommunit ilisarnaartaanik atissaannillu siunnersuuteqarlutik ajugaasut tamarmik 15.000 kr-nik akissarsiassarput.
Qaasuitsup Kommuniata Facebookimi nittartagaani tallimanngornermi allaaserineqarpoq, unammisitsinermi siunnersuutit 220-it tunniunneqarsimasut.
Unammisitsineq naammassippat, kommuninngortussani marlunni Ikaarsaariarnermut Ataatsimiititaliat katersuutissapput, siunnersuutigineqartunilu pitsaanerpaat toqqarlugit, naggataatigullu kommunit atissaannik ilisarnaatissaannillu ajugaasut suaarutigalugit.