Kommunit ilisarnaatissaat aajuku
Kommune Qeqertallip ilisarnaataani nunaqarfiit illoqarfiillu aqqaneq marluk, ullorissanik ilisarnaateqalerpoq, ilisarnaammullu unammisitsinermi Julius Jeremiassenip Niaqornarsummeersup siunnersuutaa ajugaavoq, Kommune Qeqertallu atissaanik unammisitsinermi Pavia Petersen, Ikerasaarsummeersoq siunnersuuteqartoq akissarsitinneqarluni.
Avannaata Kommuniata ilisarnaatitaavani qaleralik, qimmit sisamat ulloriarlu ataaseq ilisarnaammi takuneqarsinnaapput. Tassanilu unammisitsinermi Ilulissaneersoq, Marie Dorph ajugaasuuvoq.
Avannaata Kommuniata atissaanut inuit 14-it assigiimmik siunnersuuteqarsimapput - 15.000-t koruunillu inunnut 14-inut agguaannagit, Avannaata Kommunianik siunnersuuteqartut 14-t immikkut tamarmik 3000 koruuninik akissarsitinneqassasut, ikaarsaariarnermut ataatsimiititaliaq aalajangerpoq.
