Koldingip Nanortalik ikinngutigiunnaarpaa
Illoqarfiit pineqartut tassaapput Szombathely Ungarnimiittoq, Panevézys Litauenimiittoq kiisalu Nanortalik.
- Illoqarfittut ikinngutit pingasut taakku attaveqatiginerat piffissami sivisuumi uninngasimavoq naapisimaarnernillu taamaallaat tunngaveqarsimalluni, tamannalu innuttaasut akileraarutaannik aningaasalersorusunngilarput, Koldingimi borgmesteri Jørn Pedersen DR-imut oqarpoq.
Kommunip suleqatigiinnissamik isumaqatigiissutaanik nutarterinissaq Koldingimi politikerit maanna sulissutigaat, illoqarfinnillu ikinngutinik ikilisaaneq tassunga ilaasoq borgmesterip oqaatigaa.
Nunat avannarliit akornanni, Japanimi, Tysklandimi Italiamilu illoqarfittut ikinngutinik isumaqatigiissutit misissorneqarnissaat tullinnguuttoq borgemsterip ilanngullugu oqaatigaa.
