KNR-ip pisortaata isornartorsiuineq paasissaannginnerarpaa

Inuit Ataqatigiit Siumullu Inatsisartunut qinersinissamut atatillugu KNR-imit oqallitsinneqarnissaat isornartorsiorneqarpoq. Taamaaliornikkut Inuit Ataqatigiit Siumullu salliutinneqartut, Samarbejdsparti, Nunatta Qitornai, Atassut, Partii Naleraq Demokraatillu isumaqarput.
Allattoq Jonas Fievé
apriilip 01-at 2018 18:41

KNR-ip pisortaata isornartorsiuineq paasissaannginnerarpaa: 

- Pilersaarutit saqqummeqqaarmata partiit tamaviisa aggersarnikuuagut ataatsimeeqatigalugillu nalunaarfigalugillu, taamanikkut oqaaseqartoqanngilaq. Kingusinnerusukkut maalaarutigivaat aamma tamanna tusaatissatut tiguarput, Karl-Henrik Simonsen oqarpoq. 

Partiini siulittaasut Kim Kielsen Sara Olsvigillu kisimik tv-kkut toqqaannartumik oqallitsinneqarnissaat tamat oqartussaaqataaneranut naapertuutinngitsoq, partiit tusagassiutinut nalunaarumminni oqaatigaat. 

Partiinik anginerusunik oqallititsineq nutaajunngitsoq, KNR-ip pisortaata oqaatigaa. Partiillu allat mininneqanngitsut naqissuserlugu.

- Qinersinermut aallakaatitassat qineqqusaarnerillu 15-it 18-illu tungaannut amerlassuseqarput, unalu ataaseq ilagivaat, pisortaq oqarpoq. 

Partiit isornartorsiuinerisa oqallinnissaq pineqartoq taamaatitsissinnaagaat, KNR-ip pisortaata oqaatigisinnaannginnerarpaa.

 - Uani påskemi allanngortitsisinnaanngilanga, redaktionit ukua pilersaarutitik namminneq aalajangertarmatigit, Karl-Henrik Simonsen oqarpoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq