KNI kalaallit Tivolimiittut eqqaakulunnartikkaat

Kalaalerpalaartumilli misigisaqariartortut sulinngiffeqartuinnaanngillat. Aamma kalaallit suliffeqarfiutaat najuupput.

KNI tamakkununnga ilaavoq. Tamannalumi pingaarpoq, kalaalerpassuimmi Danmarkimi najugaqartut, KNI A/S-imi ussassaarinermut pisortaq, Anders Stenbakken, nassuiaavoq.

- Pisisartutta pisiassanik pisiarerusutaannik pissarsissunnissaat pingaarpoq, taavali aamma maani kiinnernissarput uagutsinnut pingaarpoq, taama oqarpoq.

KNI-p nunatsinni pisiassaataasa ilarpassui Danmarkimi pisiassaannngillat pissarsiariuminaallutilluunniit, Taamaammallu KNI-p Tivolimiisitsinerani aalajangersimasunik soqutiginnittoqaqaaq.

AAMMA ATUARUK Kalaallit Tivolimi qiimarrattut

Ilaat aasaaneranut - kiannersuanullu - naleqquppallaanngitsut, Anders Stenbakken oqaluttuarpoq.

- Tuninerpaasavut tassaapput ukua nissiaqqat, Kalaallit Nunaanni novemberimi tunisaalertussat. Taaakkua maani aasaq manna tuniniarpavut. Lisa Kreutzmanniuna nissiaqqanik 24-nik sanagami, Stenbakken oqarpoq.

Taakkua saniatigut nagguteeqqat, Araba kaffe qillertuusallu pilerngunneqarput, tamannalu immikkut pissutissaqartoq, ussassaarinermi pisortaq oqaluttuarpoq.

- Inuit eqqaakuluisarput. ingammik utoqqasaanerusut, pisiniartut, eqqakulullutik tamakkuninnga pisisarput, Anders Stenbakken oqaluttuarpoq.

AAMMA ATUARUK Kalaallit Nunaat Tivolimi pisussat piareertut