KIMIK saqqummersitsisoq
Eqqumiitsuliat 100-nit amerlanerusut Nunatsinni Eqqumiitsuliortut Peqatigiiffiata KIMIK-up Nuummi Eqqumiitsulianik Saqqummersitsivimmi ullumikkut sisamanngornermit saqqummersissavai.
Allattoq Inge S. Rasmussen
novembarip 17-at 2016 07:07
Nutserisoq Simon Uldum -
KIMIK ukiut 20-t matuma siorna pilersinneqarpoq saqqummersitsinermullu atatillugu nalliuttorsiornermini atuakkiaminik nutaamik saqqummersitsilluni. KIMIK-up oqaluttuassartaa eqqumiitsuliortullu ataasiakkaat atuakkami sammineqarput. Atuagaq naqiterisitsisarfimmit Milik Publishingimit saqqummersinneqarpoq.
Nunatsinni eqqumiitsuliortutut ilinniarsimasut eqqumiitsuliornermillu suliaqartut allat 1995-imi katersuupput. Marlunnik anguniagaqarput, attaveqaqatigiinnik pilersitsinissaq aamma eqqumiitsuliortut suliaannik ukumoortumik saqqummersitsisarnissaq.
Saqqummersitsineq "KIMIK Ukiut 20 År" Namminersorlutik Oqartussanit Royal Arctic Linemillu tapersersugaavoq aappaagulu januaarip arfineq-pingajuata tungaanut takuniarneqarsinnaassalluni.
