Kim Leine nersornaaserneqartoq
![](/sites/default/files/styles/image_934x467/public/article_images/46518739_679040742496676_7888846464430899200_n.jpg?itok=ud3Ga9xN)
Soorlu ippassaq oqaluttuarigipput Peqatigiiffik Kalaallit Meerartaat Kunngissakkut isumaginninnermi ukiumoortumik nersonaasiuttagaannik tunineqarput, 500.000 koruuninik taanna aningaasartaqarluni. Kunngissakkut kulturikkut nersornaasiuttagaa, 500.000 koruuninik aamma aningaasartaqartoq, atuakkiortumut Kim Leinemut tunniunneqarpoq. Leine Norgemit Danmarkimiillu kingoqqisuuvoq. Taassuma atuakkiaa "Kalak" 2007-imi saqqummersinneqarmalli allanik atuakkiarpassuaqarpoq, Kalaallit Nunaannut tunnganerusut atuakkiarineqartarlutik.
Nersornaasiinermut atatillugu ima ilaatigut oqaasertaliisoqarpoq:
- Leine eqqortumik kimittuumillu allariaaseqarpoq. Naallu oqaluttualiaasa ilaanni piffissamut allarluinnarmut tunngasaraluartoq, atuartuulluni tiguartinnarpoq, oqaluttualiami inuttarineqartut neriuutissaarunnerat, kiserliornerat qularnerallu malugineqarsinnaalluni. Atuagarluunniit atuarlugu naammassereeraanni sivisuumik taama misigisimanartarpoq, nersornasiinermi taama ilaatigut tunngavilersuisoqarpoq.
AAMMA ATUARUK Frederik Marylu kalaallit meerartaannut millionit affaanik tunnissuteqartut
Kim Leinep atuakkiaq "Rød mand/Sort mand" ukioq manna siusinnerukkut saqqummersippaa. Qallunaat niuertoqarfimmik Godthåbimik Hans Egedep nalaani tunngaviliinerat atuakkiami tassani oqaluttuarineqarpoq.
AAMMA ATUARUK Kim Leine Nunatsinnut tunngasumik nutaamik atuakkiortoq