Kim Kielsenip e-maili assortuussutaasoq nassuiaateqarfigaa
Peqatigitillugu Naalakkersuisut siulittaasuata naalakkersuisoqarfiani pisortaanertut maanna tunuartitaagallaqqasup Svend Hardenbergip Siumut sinnerlugu Folketingimut ilaasortaasimasumut Nick Nielsenimut naqqeeqqusilluni namminerisaminik e-mailiminik sooq atuisimanera nassuiaateqarfigaa.
AAMMA ATUARUK IA: Hardenberg aqutsinermi malittarisassanik unioqqutitsivoq
Greenland Contractorsip Pituffimmi sakkutooqarfimmi kiffartuussinissamik isumaqatigiissummik annaasaqarneranut atatillugu Naalakkersuisut akuusimanerat, Nick Nielsenip Folketingiimi oqallittoqarnerani isornartorsiorpaa, Svend Hardenbergillu naqqeeqqusissut namminerisaminik e-mailiminit kingorna nassippaa.
AAMMA ATUARUK Hardenberg atorfeqarnerani oqallisaasarpoq aporaaffiusuni
Pisortaanerulli namminerisaminik e-mailini atorpaa, Nick Nielsenip Folketingimi allattoqarfianit mailerutigineqarsimasoq akillugu allakkami. Nick Nielsenip allattoqarfiata mailia pisortaanerup namminerisaminik mailianut nassiunneqarsimavoq. Pisortaaneq tamatuma kingorna peqqusivoq, Folketingimi allattoqarfiup allattugaataani namminerisaminik e-mailini pisortatigoortumik sulinermut e-mailiminik taarserneqassasoq.
AAMMA ATUARUK Hardenberg naalakkersuisoqarfiup pisortaatut atorfimminit tunuartinneqarpoq
Kim Kielsenip Naaja Narthanielsenip apeqquteqaataanut akissuteqaatimini e-mailip assortuussutaasup malittarisassat malillugit nalunaarsorneqarsimanera ilanngullugu uppernarsarpaa.