Svend Hardenberg

Hardenberg naalakkersuisoqarfiup pisortaatut atorfimminit tunuartinneqarpoq

Svend Hardenberg ullumikkumiit ”Naalakkersuisut siulittaasuata naalakkersuisoqarfiani naalakkersuisoqarfiup pisortaa tunuartinneqarallarpoq” Kim Kielsenip naalakkersuisoqarfia tusagassiutinut nalunaarummi taama allappoq.

Hardenberg naalakkersuisoqarfiup pisortaatut Aleqa Hammond naalakkersuisut siulittaasuunerani ukiut marlunngulerput matuma siorna atorfinitsinneqarpoq. Piffissami kingullermi suliani assigiinngitsuni isornartorsiorneqaqattaarpoq, ilaatigut Pituffimmi kiffartuussinissamut isumaqatigiissutip annaaneqarneranut tunngatillugu.

Søren Hald Møller Namminersornerullutit Oqartussani assingusumik atorfeqareernikoq naalakkersuisoqarfimmi pisortaagallartussatut Hardenbergimut taartitut atorfinitsinneqassaaq.

Hald Møller massakkut aatsitassanut tunngatillugu avatangiisinut aqutsisoqarfimmi pisortatut atorfeqarpoq 2014-imiilli pinngortitamut, avatangiisinut inatsisinillu atuutsitsinermut naalakkersuisoqarfimmi pisortatut atorfeqarsimalluni.

Suliaq inunnut ataasiakkaanut tunngassuteqarmat, Naalakkersuisut siulittaasuata naalakkersuisoqarfia annertunerusumik oqaaseqarsinnaanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat