Kim Kielsen: Naalakkersuisut innutaasunit tatigineqarput

Naalakkersuisut innutaasunit tatigineqarput, taama oqarpoq Naalakkersuisut siulittaasuat.

Inuit Ataqatigiit suleqatigiinnissamik oqariartuuteqarnerat ujartorneqarpoq - Naalakkersuisunut tatiginninnginneq IA-mit ikummarissarneqartoq Kim Kielsen isumaqarpoq.

Naalakkersuisut ullut 100-ut siulliit atuutereersut IA isornartorsiuivoq, Naalakkersuisunut tatiginninnerup pilerseqqinnissaa anguniarlugu iliuusaat iluatsissimmanngitsoq oqarlutik. 

Aamma atuaruk IA: - Naalakkersuisut tatiginneqqilerneq pilersinngilaat

Inuit Ataqatigiit Inatsisartut gruppiani siulittaasup  Agathe Fountain Kim Kielsenip allaffissornikkut ingerlatsinera isornartorsiorpaa matoqqasuunerarlugu sanngiinnerarlugulu.

- Naalakkersuisunut ilaasortat inatsisartuni  sapaatit akunneri tamaasa apeqqarissaarfigineqarsinnaapput  aamma Naalakkersuisut ataasikkaat sapaatit akunneri tamaasa tusagassiortunik katersortitsisarput  taamaattumik ammasuunissaq pillugu  amigaatigineqartut suunersut paasisinnaanngilakka Kim Kielsen oqarpoq. 

Aamma atuaruk Hardenberg naalakkersuisoqarfiup pisortaatut atorfimminit tunuartinneqarpoq

Inuit Ataqatigiit Inatsisartut ataatsimiititaliaani ilaasortaatitaqarnertik iluaqutigalugu paasissutissanik pissarsisinnaasut Naalakkersuisut siulittaasuata ilanngullugu erseqqissaatigaa.

Inuit Atatigiit inatsisartuni suleqatigiinnissamik oqariartuuteqarnerat ujartorneqarpoq.

- Inuit Ataqatigiit suleqatigiinnissamik assammik isaassinerat takusinnaanngilarput, ersernerluppoq,  immaqa Naalakkersuisunut tatiginninnginneq annikkillisarniarlugu ikummarissaasoqarpoq taamaattumik suleqatigiinnissamik oqariartuut  takusinnaanngilara, Kim Kielsen oqarpoq.  Toqqissiartortussaavugut, taamaattumik isumaqarpunga Inuit Ataqatigiit suleqataanerusariaqartut, inuiaqatigiit pisariaqartippaat inatsisartut suleqatigiissasut, Naalakkersuisut Kim  Kielsen  siulittaasuat oqarpoq.

Aamma atuaruk Kim Kielsen isorinnittumik apeqqarissaarfigineqartoq

Kim Kielsen IA-mut: paragraf 37 naapertorlugu apeqqutit amerlavallaaput

Inatsisartuni paragraf 37 naapertorlugu Inuit Ataqatigiit  apeqquteqaataat amerlavallaarput allaffissornermullu nukillaarsaataallutik.

Taama oqarpoq Naalakkersuisut siulittaasuat Kielsen  Inuit Ataqatigiit Naalakkersuisunut isornartorsiuteqarnerannut akissuteqarluni.

Naalakkersuisut politikkikkut ingerlatsinermikkut tatiginassusertik  takutissimanngikkaat, Inuit Ataqatigiit isornartorsiuillutik oqarput.

Inuit Ataqatigiit suleqatigiinnissamik oqariartuutaat Naalakkersuisut siulittaasuata ujartorpaa

-  Inatsisartuni paragraf 37 naapertorlugu  apeqqutit amerlasuut Inuit Ataqatigiinnit apeqqutigineqartartut  ilaatigut supalaanut tunngassuteqartut, allaffissornikkut nukillaarsaataasarput, Naalakkersuisut siulittaasuat oqarpoq. - Paasissutissat ilai Inatsisartut nittartagaatigut pissarsiarineqarsinnaapput,  taakkualu allaffissornikkut nukillaarsaataapput, nukiit taakkua inuiaqatigiinnut atortussaagaluarput  alloriarnissamut tunngatillugu, Kim Kielsen oqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat