Kielsenip siulittaasunngorniuunnissaq tikilluaqquaa

Vittus Qujaukitsup Naalakkersuisuuffini ataasinngornermi iperarpaa. Tamannalu ilutigalugu Siumut aasamut ataatsimiinnissaani siulittaasunngorniarniarnini erseqqissarpaa.

Partiip maanna siulittaasuata Kim Kielsenip unammillerusussinnaasut tamaasa piareersimaffigai.

- Aamma uanga sassarumaarpunga, aamma Vittus sassarusuppat, allat sassarusuppata takanna. 

- Unammilleqatigiinneq peqqinnartuuvoq, Kim Kielsen Qanoruumi oqarpoq

AAMMA ATUARUK Vittus akerliugami naalakkersuisuujunnaartoq

KNR-ip Siumormiutoqaq Lars-Emil Johansen ataasinngormat attavigaa, taassuma Vittus Qujaukitsup Naalagaaffeqatigiinnermut kalaallillu namminersulivinnissaanut nalunaarutigisartagai tapersertuarsimavai. Piukkunnerusaqarusinngikkaluarlunili Qujaukitsoq nersualaarpaa:

- Vittus suliumatuujuvoq peqqissaartoq. Pilersaarusiullaqqissuuvoq, taamaammat pilersaaruteqarnera tupaallaatiginngilara, Lars Emil Johansen 2014-imi nutaamik siulittaasortaarnissamut sassarnikuunermisulli sassaqqinnianngitsoq oqarpoq.

AAMMA ATUARUK Vittup inuit allat suliaat akuliuffigisarpai