KANUKOKA: Kattuffik tamakkiisumik ingerlanneqarunnaarnikuuvoq
KANUKOKA aappaagu juulip naanerani oqaluttuaannanngussasoq, kattuffimmi aallartitaasut ataasinngornermi siunniuppaat.
- Tamakkiisumik ingerlanneqarunnaarnikuuvoq. Pissutsit assigiinngitsut aallaaviupput, KANUKOKA-mi siulittaasoq Simon Simonsen oqarpoq.
Kommuninngortussammi marluk, Avannaata Kommunia aamma Kommune Qeqertalik, kattuffimmi ilaasortaarusunngillat.
Kommuneqarfik Sermersoorlu 2014-imili anereerluni.
Kattuffillu marluinnarnik ilaasortaqarluni ingerlasinnaanngitsoq, siulittaasoq oqarpoq:
AAMMA ATUARUK KANUKOKA atorunnaartussanngorpoq
AAMMA ATUARUK Kommuneqarfik Sermersooq Kanukokamit anivoq
- Aamma taanna kialluunniit takusinnaavaa. Kommunit marluinnaat ilaasortaralugit, taavalu pingasut ilaasortaanngitsut, kattuffimmik ingerlatsisinnaaneq periarfissaluttorujussuusussaavoq.
Kommune Qeqertalissami ikaarsaariarnermut ataatsimiititaliaq Ane Hansenimit siuttuuffigineqartoq novemberip 28-ani aalajangerpoq ilaasortaaneq, Qaasuitsup Kommunianit kingornussaq, atorunnaarsillugu nalunaarut tuniunneqassasoq.
Borgmesteriusussaq ullualuit sioqqullugit ima oqarpoq:
AAMMA ATUARUK KANUKOKA-mi ilaasortaanissaq Ane Hansenip apeqquseraa
AAMMA ATUARUK KANUKOKA matuguni pitsaaneruvoq
- Takusara uaniinniinneruvoq qullersaqarfik KANUKOKA Nuummiikkallarmat siunnersortit pitsaasut piginikuuaat, taavali Maniitsumut nuunnerminni siunnersortit taakku pigiunnaarnikuullugit. Taavalu ilisimasarujussuup taassuma atorneqarsinnaanera killilerujussuanngorpoq, apeqqusertorujussuuaralu ilaasortaaneq qanoq iluaqutaatigissanersoq, Ane Hansen oqarpoq.
Siulittaasup tamanna ilisarisinnaavaa, tunngavilersuutigaalu kattuffimmi nalimmassaanerup kingorna atorfiit inuttalersorniarneri ilaatigut aporfiusimasoq:
- Kisianni taanna aallaavigalugu sullissineq, ilumoorpoq, immaqa ajorsiallannikuuvoq. Tassani aallaviunerpaavoq kommunit akisussaaffinnik annerusunik aamma tiguseqataallutik aaqqissuussereernerup kingorna pisussaaffilerneqarnikuunerat, KANUKOKA-mi siulittaasoq Simon Simonsen oqarpoq.