KANUKOKA atorunnaartussanngorpoq

- Soorunami uggoraara pigisat piviusut nalillit, allaffiit sulisullu, maannamut pigilersimasat atorlugit ingerlaqqinnissamut isumaqatigiissuteqartoqarsinnaanngimmat, KANUKOKA-p siulittaasua Simon Simonsen oqarpoq.

KANUKOKA 2018-imi juulip 31-ani atorunnaassasoq, aallartitaasut ippassaq ataasinngornermi immikkut ataatsimiinnerminni siunniuppaat.

- KANUKOKA marluinnarnik ilaasortaqarluni ingerlasinnaanngimmat ingerlassagunilu akilersinnaanngimmat, Simon Simonsen oqarpoq.

Aamma atuaruk KANUKOKA matuguni pitsaaneruvoq

Kattuffiup matuneqarnissaa, kommunit nutaassat, Avannaata Kommunia aamma Kommune Qeqertalik, ilaasortanngorumaarnersut qularnarsimmat,  ilaasortaasunit sivisujaamik oqallisaavoq. 

-  KANUKOKA-p ingerlaqqissinnaanera uanga takorloorsinnaanngilara, Avannaata Kommuniani borgmsterinngortussaq, Palle Jeremiassen, KNR-imut decembarip aallartinnerani taama oqarpoq.

Taama pivoq, Kommune Qeqertalissami ikaarsaariarnermut ataatsimiititaliaq Ane Hansenimit siuttuuffigineqartoq novemberip 28-ani aalajangereersoq, kommuniulersussaq pinnguinnartoq, ilaasortaaneq, Qaasuitsup Kommunianit kingornussaq, atorunnaarsillugu nalunaarut tuniunneqassasoq. 

Aallartitat juullip ukiortaallu akornanni ataatsimiigiaqquneqareerput, ataatsimiinnerlu KANUKOKA-p matunerani aaqqittarialinnut tunngassasoq, Simon Simonsen KNR-imut oqarpoq.

Aamma ataruk KANUKOKA-p siunissaa siulittaasuusimasumit aalajangerneqarsinnaasoq