Borgmesteri: KANUKOKA matuguni pitsaaneruvoq
Qeqqata Kommuniani Borgmesterip kommunit kattuffiat marlunnik pingasunilluunniit ilaasortaqartoq siunissaqarsorinngilaa. Aviisi Sermitsiaq.AG nittartakkamini taama allaaserisaqarpoq.
Qeqqata Kommuniani borgmesteri Malik Berthelsen taama nalunaaruteqarpoq,
Kommune Qeqertalimmi ikaarsaariarnermut ataatsimiititaliaq marlunngornermi 28. november aalajangermat, ukioq nutaamiit kommuni pilersinneqarpat KANOKUKA-mit anissallutik.
Avannaata Kommuniani borgmesterinngortussap Palle Jerimiassenip KNR-mut oqaatiginikuuaa,
KANUKOKA ingerlaannarsinnaanngitsoq Kommune Qeqertalik aamma Kommuneqarfik Sermersooq ilaasortaanngippata.
AAMMA ATUARUK KANUKOKA-p ingerlaqqissinnaanissaa takorloorumaatsinneqarpoq
Taamaattumik Malik Berthelsen isumaqarpoq kommunit kattuffiat KANUKOKA matuneqaruni pitsaanerusoq Kommunalbestyrelsilu 18 december ataatsimiilerpat tamanna innersuussutigissavaa.
