Kamala Harris nunap inoqqaavi qineqqusaarfigai

Kamala Harris nunap inoqqaavi qularunnaarsarpai sooq immini qinerneqassanerluni Trumpiunngitsoq.

Namminersornerulertoqarumaartoq ilaatigut neriorsuutigaa.

Amerikamiut præsidententissaminnik qinersinissaannut ulloq killeritinneqartoq aqaguaguuvoq.

USA præsidentissaattut qineqqusaartut tassaapput Kamela Harris aamma Donald Trump

Taakku saqitsaattuarsinnarput, unammillertip qinersisartorisinnaasai allatut isumaqalersinniarsaraat.

Assersuutigalugu Donald Trumpip taartunik amillit qinissagaani sunniuteqaatiginiarsaraa.

Nunap naalagaaffiisa ilaanni Arizonami amerikamiut First Nations-it kaammattorlugit, innersuullugit, qinnuigalugillu Kamela Harris nutaaliorluni qineqqusaarpoq.

Siornatigut innuttat pineqartut tassa First Nationsit taamatut qanimut qineqqusaarfigisimanngisaannarput.

Oqalugiaammini First Nations ’Tribal Governments’-mik taagorneqartoq namminersorulernermik tunaartalik taperserluinnarlugu oqarpoq.

First Nations amerikamiut naalakkersuisalu aalajangersagaat ataqqillugu ilanngullugu oqaatigaa.

Naatsorsuutigineqarpoq novemberip tallimaani qinersisoqassasoq, qinersinerulli inerneri ulluni arlalinni utaqqineqarsinnaasarput.