Assi: Rigspolitiet

Inatsiseqarnermut ministeri: Kalaallit politiivisa ikiortaat atugassarissaarnerulissapput

Politiitut ilinniarsimanngitsut politiit ikiortaatut piffissaq tamaat sulisartut napparsimagaangamik akissarsiaqarsinnaatitaassallutillu soraarnerussutisiaqarsinnaanngussapput. Inatsiseqarnermut ministeri paasissutissiivoq.

- Naalagaaffiup politiivisa politiit ikiortaannut piffissap tamakkerlugu atorfeqartunut atugassarititaasut allanngortinniarpaat, taamaalillutik taakku napparsimanerminni akissarsiaqarsinnaalissapput, sulinngiffeqarnissaminnut ullunik katersisinnaalissapput soraarnerussutisiaqarsinnaalissallutillu.

Inatsiseqarnermut ministeri, Søren Pape Poulsen (K) Kalaallit Nunaannut ataatsimiititaliamut allappoq.

Kalaallit Nunaanni politiitut ilinniarsimanngitsut politiit ikiortaatut piffissaq tamaat atorfeqartut naalagaaffiup politiivisa siorna paasivaat.

AAMMA ATUARUK Inuusuttut pinerluuteqartarnerat appangaatsiartoq

Politiit ikiorteqarneranni ikiortitut sulisut suliffimmi saniatigut politeeqarfinni ataatsimik inuttaqartuni sulisarnissaat siunertarineqaraluarpoq.

Politiit ikiortaat tassaapput innuttaasut nalinginnaasut uniformilerlutik politiit suliaanni assigiinngitsuni ikiuussinnaasut. Taakku aallaaseqaqqusaanngillat, suliamik isumaginneqqusaanngillat politiitullu nammineerlutik iliuuseqaqqusaanatik.

Politiit ikiortaat malittarisassat malillugit sulinerminni taamaallaat akunnermut akissarsiaqartinneqartarput sulinngiffeqarnerminnilu aamma napparsimanerminni akissarsissanatik.

AAMMA ATUARUK Kommunefogedit amigaataanerat nunaqarfimmiunut toqqissisimananngitsoq

Nunatsinnili sumiiffinni qassiiusuni politiit ikiortaat piffissaq tamaat sulisarput, taamaammat piffissaq tamakkerlugu sulisorineqartutut akissarsiatigut atugassarissaartitaassasut, Inatsiseqarnermut ministerip nassuerutigaa.

Taamaammat Naalagaaffiup politiivisa politiit ikiortaasa piffissaq tamakkerlugu sulisorineqartut sulinngiffeqarsinnaatitaalernissaat, napparsimanissaminni akissarsiaqarsinnaalernissaat soraarnerussutisiassanillu katersisinnaalernissaat ukioq manna juuli nallertinnagu inissinneqarumaartoq naatsorsuutigigaat, inatsiseqarnermut ministeri paasissutissiivoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat