Kalaallit NORCA-mi unamminermi siullermi ajorsartut

NORCA-mi Puerto Ricomi pisumi sisamanngormat unammisaqattaarnerit ammaanersiorneqanneranni Kalaallit nunanut allanut unammisartui Den Dominikanske Republik-imut 25-22-mik ajorsarput. 

- Marloriaq unammereerluta takusinnaalerparput unammisartutta suliassat naammassisarnissaat amigaatigigaat. Ajorpasinngikkaluaqaarmi. Sisamanngornermi unammigatta Puerto Ricomut unamminermut sanilliullugu periarfissaqarnerugaluarpugut, ajornartorsiulli unaavoq periarfissat atorluanngitsoortaratsigit, sungiusaasoq Johannes Groth tusagassiuutnut oqarpoq. 

- Arsariaaserput ajoquteqanngilaq målilli amigaatigaagut. Unamminerni tulliuttuni målernerulernissarput qularinngilara, sungiusaasoq oqarpoq.

Ullumi Nunatta unammisartui tallimanngornermi USA unammissavaat. USA ippassaq Puerto Ricomut 28-26-imik ajugaanikuuvoq. 

Kalaallit Pan Amerikami pissartanngorniuunnissamut, Canadami aasaru pisussamut anngutissagunik, NORCA-mi angusarinnerni pingasuni akuusariaqarput. 

NORCA-mi peqataasut tassaapput; Puerto Rico, Den Dominikanske Republik, USA aamma Kalaallit Nunaat.

Nal. 10.05 allaaserisaq nutarterneqarpoq.