Meeqqanut kalaallisut atuakkiat nunatsinni amigaataapput, tamannali iliuuseqarfigineqarnialerpoq.
Meeqqat atuagassaannik atuakkiorusuttut atuakkioriaatsimik Savalimmiuni atorneqartunik pikkorissaanermut qinnuteqarnissamut periarfissaqalerput, kalaallisut, savalimmiormiutut samisulluunniit atuakkioriaatsinik pikkorissartitsisoqartussanngormat.
Pikkorissartitsineq nunat avannarliit siunnersuisoqatigiiffianit aaqqissuunneqartoq Savalimmiuni novembarip aallartilaarnerani pissaaq.
Atuakkiortuiunngikkaluaraanniluunniit meeqqanut kalaallisut atuakkiorusussusillit pikkorissarnissaminut qinnuteqarsinnaasut, atuakkiarlu aallartereersimasaq pikkorissarnermi atorneqassasoq, pikkorissartitsinermik aaqqissuisut nalunaarput.
Qinnuteqarfissaq aggustip 20-nut killilerneqarpoq tamannalu internetimi uani atuarneqarsinnaavoq
www.nordbok.org