Kalaallit Danmarkimiittut suli amerliartortut

Kalaallit Danmarkimut nuuttut suli amerliartorput. Naatsorsueqqissaartarfiup naatsorsuinerani nutaami tamanna takuneqarsinnaavoq.

Allattoq Sara K. Jakobsen

marsip 08-at 2018 08:06

Nunatsinni inunngorsimasut 13.865-it Danmarkimi 2008-mi najugaqarput, 2017-imilu 16.370-inut amerleriaateqarlutik.

Tassa 18 procentinik amerlillutik.

Kalaallit Danmarkimiittut ukiuni taakkunani ikileriarsimanngillat.

Danmarkimut nuussimasuni arnat angutinit amerlanerusut aamma paasinarsivoq. Arnat nuussimasut siorna 9.379-iupput angutillu 6.991-iullutik.

Kisitsisitigut paasissutissani aamma paasinarsivoq Jyllandip avannaa nunatsinniit noorarfigineqarnerusoq, tamaani 2656-it najugaqarmata.

Kalaallit 153-iinnaat Bornholmimi najugaqarput, qeqertarlu taamaasilluni kalaallinit najugaqarfigineqarpallaanngilaq.

Naatsorsueqqissaartarfiup kisitsisaatai www.stat.gl-imi atuarneqarsinnaapput.