Jyllandip avannaa najugaqarfigissallugu kalaallit orniginartinnerugaat
Nunatsinni inunngorsimasut Danmarkimi najugallit Jyllandip avannaa najugaqarfigissallugu orniginartinnerugaat Naatsorsueqqissaartarfiup naatsorsuinerani nutaami takuneqarsinnaavoq.
Allattoq Kenneth Elkjær
marsip 07-at 2018 10:35
Nutserisoq Simon Uldum -
Nunatsinni inunngorsimasut Danmarkimi najugallit 2017-imi 16.370-iusut nalunaarsukkami aamma takuneqarsinnaavoq, 2016-imut naleqqiullugit amerleriaateqalaarlutik.
Kisitsisitigut paasissutissani aamma paasinarsivoq Jyllandip avannaa nunatsinneersunit najugaqarfigineqarnerusoq. Innuttaasut 2656-iupput.
Jyllandip kangiani najugallit tullersortaapput, tassani 2530-t najugaqarmata, pingajuattullu inissisimasut tassaapput Københavnimi najugallit 2307-iusut.
Bornholm nunatsinneersunit najugaqarfigineqarpallaanngilaq. Nunatsinni inunngorsimasut 153-iinnaat tassani najugaqarput.
Naatsorsueqqissaartarfiup kisitsisaatai allat uani atuarneqarsinnaapput.
