Kalaallit amerissaataat aallarnisaasunut nersornaammik nersornaaserneqartoq

Amerissaatinik Inuacarenik pilersitsisut allaffiat marlunngornermi nuannernerulaarpoq. Taakkumi Grønlandsbankenip Inuussutissarsiornermi anignaasaateqarfiata aallartisaasunut akissarsiaritittagaanik 2023-mi nersornaaserneqarput.

Tupannaqaaq, tupinnaqaaq, nuanneqaaq, Pipaluk Nielsen amerissaatinik piginneqataasoq oqarpoq.

Pipaluk Nielsen aamma Anne Mette Nielsen amerissaatinik 2014-imi tunisassiortalerput, taakkulu nunatta pissarititaanik katersat atorlugit amerissaasiortarput.

Nunanit allanit soqutigineqartut

Tunisassiornerannit ukiut qulingajaat maanna qaangiuttut nunatsinniinnaanngitsoq, kisianni aamma Danmarkimit nunarsuullu sinneranit soqutiginnittoqartoq, Pipaluk Nielsen oqarpoq.

- Malugaarput soqutiginittut amerliartortut. Europamut USA-mullu aamma nassiussuisarpugut, taanna oqarpoq.

Taamaammat aallartisaasutut akissarsiaq pilersitsisunut marlunnut aamma isumaqangaatsiartoq, Anne Mette Nielsen oqarpoq.

- Nuan, pikkunaq, attortinnaqaaq. Misigivugut takuneqarluta, taanna oqarpoq.

Siunissamut annertuumik takorluugaqartut

Taamaammat Inuacarep siunissamut pilersaarutai aamma ersaripput.

Pilersitsisut marluk tunisassiami ilisimaneqarnerulernissaat maanna sulissutiginiarpaat, taamaalillutik Danmarkimi pisiniarfinni amerlanerusuni tunisassiarineqarsinnaalerniassammat, tamatumalu saniatigut europami pisiniarfinniilernissaa aamma takorluugaraat.

Aallarnisaasut nersorniarneqarnermi saniatigut 25.000 koruuninik aamma aningaasaliiffigineqarput, aallarnisaasullu taakku sumut atussanerlugit suli aalajanginngilaat.

- Asukiaq, hahahaha suli tupaqqanermik eqqarsaatiginngilarput, Pipaluk Nielsen oqarpoq.