Kalaallinik inuusuttunik sakkutuunngortussarsiulersut
Nunatsinni timersortarfiit arlallit maajip 26-anit juunip qulingata tungaanut sakkutuut qalipaataannik, assiliaataannik ilisarnaataannillu pinnersarneqarsimassapput. Illersornissamut qullersaqarfiup Sakkutuunngortussarsiorfiani sulisut kalaallinut inuusuttunut sakkutuutut periarfissatik pillugit paasisaqarusuttunut paasissutissanik agguaassapput, misilitsitsillutik siunnersuissallutillu.
Sakkutuut Issittumi suliaat pillugit paasititsiaasoqassaaq, sakkutuutullu tassanilu atorfeqarnissamut ilinniarnissamullu periarfissat aamma nassuiaatigineqassallutik.
Oqaluttariarsornikkut timersornikkullu ualikkut misilitsinnissamut allatsittoqarsinnaassaaq, misilitsittut ataasiakkaarlugit naliliiffigineqarnerinik naggaserneqassalluni.
AAMMA ATUARUK Kalaallit inuusuttut amerlanerit sakkutuunngorniartikkusukkaat
- Kalaallit Nunaanni siullerpaamik paasititsiniaanitsigut kalaallit inuusuttut angutit arnallu sakkutuutut ilinnialernissamik qinnuteqaateqarnissaannut aqqutissiuussisinnaassalluta neriuutigaarput, Illersornissamut qullersaqarfiup Sakkutuunngortussarsiorfiani pisortaq, major Torben Grinderslev, taama oqarpoq.
Kalaallit inuusuttut arnat angutillu 17-it 26-illu akornanni ukiullit paasititsiniaavigineqassapput. Illersornissamut qullersaqarfik kalaallinut 1995-imi 1996-imilu inunngorsimasumut 1.660-iusunut apriilip qaammataani allagaqarpoq, Illersornissamut Qullersaqarfiup ullormi sakkutuunngortussarsiorluni paasisitsiniaaneranut peqataanissaannik kaammattorlugit.
AAMMA ATUARUK Danskit Illersornissaqarfianeersut upernaamut pilerisaariartorlutik nunatsinnukalersut
Sakkutuut Kalaallit Nunaanni paasisitsiniaallutik ulloqartitsineri 2015-imi illoqarfinni ukunani ingerlanneqassapput:
- Qaqortoq: 26. maj
- Tasiilaq: 28. maj
- Nuuk: 1. aamma 2. juni
- Sisimiut: 4. juni
- Aasiaat: 6. juni
- Ilulissat: 8. juni
- Upernavik: 10. juni
