Kalaallit inuusuttut amerlanerit sakkutuunngorniartikkusukkaat
Kalaallit amerlanerusut sakkutuunngorniarsinnaanissaannut periarfissat sulissutiginiarini, Danmarkip illersornissamut ministeriata Nicolai Wammenip KNR-imut qanittukkut oqaatigaa:
- Illersornissamut Qullersaqarfiup kalaallit inuusuttut namminneerlutik ornissavai - neriuutigaaralu sakkutuut tassanilu atorfeqarnissamut ilinniarnissamullu periarfissarpassuit pissanganartut paasisaqarfiginissaanut amerlasuut periarfissinneqassasut, Nicolai Wammen oqarpoq.
AAMMA ATUARUK Danskit Illersornissaqarfianeersut upernaamut pilerisaariartorlutik nunatsinnukalersut
Sakkutuut Ulluannik taallugu Illersornissaqarfik Namminersorlutillu Oqartussat suleqatigiillutik aaqqissuussaqarput, illoqarfinnilu assigiinngitsuni arfineq-marlunni maajip juunillu ingerlaneranni paasisitsiniaasoqartassaaq, tassa illoqarfinni aalajanegrsimasuni timersortarfinni atuarfiillu timersortarfiini aaqqissuussanik paasisitsiniaasoqartassammat.
Taamatut paasisitsiniaasoqarnerup saniatigut kalaallit inuusuttut angutit arnallu oqaatsitigut timikkullu misiligarneqartassapputtaaq.
Sakkutuut Kalaallit Nunaanni paasisitsiniaallutik ulloqartitsineri 2015-imi illoqarfinni ukunani ingerlanneqassapput:
- Qaqortoq: 26. maj
- Tasiilaq: 28. maj
- Nuuk: 1. aamma 2. juni
- Sisimiut: 4. juni
- Aasiaat: 6. juni
- Ilulissat: 8. juni
- Upernavik: 10. juni
