Kalaallit Nunaata Radioa Greenlandic Broadcasting Corporation

Qaanaaq

-2

1.4 m/s

Upernavik

-4

4.7 m/s

Uummannaq

6

2.3 m/s

Ilulissat

1

4.8 m/s

Qasigiannguit

1

3.6 m/s

Qeqertarsuaq

1

2 m/s

Aasiaat

1

5.6 m/s

Kangaatsiaq

1

3.4 m/s

Kangerlussuaq

1

1.2 m/s

Sisimiut

4

5.5 m/s

Maniitsoq

3

12.6 m/s

Nuuk

3

13.5 m/s

Paamiut

3

14.8 m/s

Narsaq

3

3.8 m/s

Qaqortoq

2

3.8 m/s

Nanortalik

5

6.7 m/s

Tasiilaq

2

3.1 m/s

Ittoqqortoormiit

-1

2.7 m/s

Station Nord

-5

1.3 m/s

Inuit Qeqertaat / Kaffeklubben Ø

-12

4.4 m/s

Pituffik / Thule Air Base

-2

2.2 m/s

Sermersuaq / Summit Camp

-14

9.6 m/s

Kalaaleq sakkutooq Danmarkimi aporneqarluni toqusoq

Angut 22-nik ukiulik sakkutooq Jyllandimi Karupip mittarfiata tungaanut aqqusinermi aportilluni ippassaq ataasinngornermi unnukkut ajunaarpoq.

Kalaallit Nunaanni Politiit toqutsinernik suliani sisamani suli misissueqqissaarput.

Allattoq Ritzau, Karsten Sommer

oktobarip 08-at 2019 09:54

Nutserisoq Jaaku Lyberth

Jyllandip kitaani qeqqanilu politiit oqarnerat naapertorlugu angut ajunaartoq kalaaliuvoq Kalaallit Nunaanilu najugaqartutut allassimalluni.

Qanigisaasut kalerrineqareerput.

KNR-ip paasissutissarsiai naapertorlugit angut aporneqartoq Aasiaat eqqaanneersuuvoq.

Angut ajunaartoq, mittarfeqarfiup Karupip tungaanut aqqusinermi Herningvejimi pisuinnaat aqqutaatigut pisutsilluni biilinit aportippoq.

Biilinik aquttoq aqqusinermi ingerlaarfigisaani sukkanerpaamik akunnermut 60 kilometerisut ingerlaarfiusinaasoq qaangersimassagaa, politiit ilimagaat.

Politiit aporseriarluni qimaasoq ujaaraat

Biilinik aquttoq apuinermi kingorna bilerluni qimaasimavoq. Herningip avannaannut Viborgip tungaannut ingerlasimalluni.

- Illersornissaqarfimmi sulisut timmisartoqarfimmeersut ajunaarfiusumut siulliullutik takkussimapput.

Angut uummassarneqarsimagaluarpoq annaanneqarsinnaasimananilu, politiit taama oqaluttuarput.

Politiit ajutoortoqarsimaneranik nalunaarfigineqarput ippassaq unnukkut qulingiluanut tanneq qulingiluanngortoq.

Biili apuisoq suli politiinit ujaarineqarpoq.

Biili apuinermi atorneqartoq Peugeot 206-itut angissuseqartoq politiinit ullaap tungaa suli ujaarineqarpoq. Politiillu isumaqartoqarput biili taanna qasertumik qalipaateqartoq.

Politiit biilinik aporseriarluni qimaasup aqqutigisinnaasimasaani pisiniarfiit suliffeqarfiillu videomik nakkutilliissutaannit assit ilaatigut misissuleruttorpaat.

/ritzau/