Utoqqatsertoqassanngikkallarpoq Martha Abelsenip Danmark utaqqigaa
1950-kkunni meeqqat aallartitaasimasut maanna arfiniliinnanngorput, aallartitaasimasut ilaata utoqqatsertoqarnissaa pisariaqarluinnartutut nalilerpaa. Tamannalu aallaavigalugu nunatsinni oqallittoqangaatsiarpoq.
Pisortatigoortumik utoqqatsertoqarnissaanik Folketingimi ilaasortap Aaja Chemnitz Larsenip siunnersuutaata akissuteqarfigineqarnissaa Naalakkersuisunit utaqqimaaqqaarneqarumasoq, Peqqissutsimut, Isumaginninnermut Inatsisinillu Atuutsitsinermut Naalakkersuisoq Martha Abelsen oqarpoq.
AAMMA ATUARUK Utoqqatserneq annernanngilaq
Meeqqat misileraatigineqartut pillugit utoqqatsernissamut tunngatillugu Naalakkersuisut siulittaasuat, Kim Kielsen KNR-imit oqaaseqarumanani Isumaginninnermut Inatsisinullu Atuutsitsinermut Naalakkersuisumut innersuussivoq.
AAMMA ATUARUK - En undskyldning vil betyde alt!
- Oqarpunga uanga tassunga dommeriusinnaanngilanga. Suliaq ingerlasoq, suli naammassineqanngitsoq qalliinnarlugu oqariartuuteqarsinnaanngilanga; Ukorsii-aa utoqqatserniaritsi. Oqarpugut suliassaq qallunaat naalakkersuisuisa ingerlataat akuleruffigisinnaanngilarput, suliaq ingerlagallarniarli. Taassuma kingorna, suliaq naammaasineqarpat Naalakkersuisunut ingerlanneqassappat, tassunga tunngatillugu oqaaseqarumaarpugut, Isumaginninnermut naalakkersuisoq, Martha Abelsen, KNR-imut taama oqarpoq..
AAMMA ATUARUK Utoqqatsertariaqarneq Siumumit taperserneqartoq
AAMMA ATUARUK Meeraanerminni misileraatigineqartut Danmarkip utoqqatserfigisariaqarpai
