Juullip Nipitittagaa matulerpoq
Juullip Nipitittagaata juullip nipitittagaasa 50-issaat saqqummiutissavaa.
Aningaasaateqarfimmit juullip nipitittagaani aamma kingullersaassaaq.
Taama Juullip Nipitittagaa tusagassiorfinnut nalunaarummi allappoq.
Aningaasaateqarfik ukiup nikinnerani matussaaq, taamaalillunilu Kalaallit Nunaanni juullip nipitittagai atorunnaassallutik.
Aningaasaateqarfik matusariaqalersimavoq juullip nipitittagai tuniuminaallissimammata. Inuit pisinissamik soqutiginninnerat annikilliartorpoq Kalaallit Nunaannilu tuniniaaffigineqarsinnaasut ikiliartuinnarlutik.
- Aningaasaateqarfiup matunissaanut peqqutit arlaliupput, annersaraalli ingerlaannarnissamut akissaqarniarneq kalaallillu kulturiannut eqqumiitsuliornermullu tapersersuinissamut katersuiniartarneq ilungersunarsigaluttuinnarmat, Juullip Nipitittagaa tusagassiorfinnut nalunaarummi allappoq.
Juullip Nipitittagaali persuarsiorluni naggataassaaq. Juullip nipitittagaata 50-issaat kingullerlu ulloq 25. oktobari saqqummiunneqarpat persuarsiornerussaaq nuannisarfiusoq.
- Aningaasaateqarfimmi siulersuisut tapersersortivullu Danmarkimi sulisut ulloq taanna inuppassuit peqatigalugit, minnerunngitsumillu tapersersuisarsimasut pisisartut peqatigalugit ulloq nuannersumik atorumaarparput, allapput.
