Juullip inuanut atugassaqartitsilluarnerpaat allattorsimaffianni Nunarput akunnattumik inissisimasoq
Juullip inuanut sulinermi atugassarititaasut, taamatullu aamma nunatsinni piffissaq eqqorlugu juullisiornissamut periarfissat, nunanut avannarlernut naleqqiullugit agguaqatigiissitsineq nalleqqatigipajaarpaat.
Juullip inuanut atugassaqartitsilluarnerpaat allattorsimaffianni Nunarput qeqqani inisissisimasoq, Nunani avannarlerni ilisimatusarnikkut misissuisoqarfiup Nordregiop misissuinerata takutippaa.
Ilisimatusarnikkut misissuisoqarfiup Nordregiop pissutsit assigiinngitsut arfinillit tunngavigalugit Nunarput, Island, Savalimmiut, Finland Skandinavialu naliliiffigisimavai.
Meeqqat 15-it inorlugit ukiullit amerlassusaat, pujoorfiit amerlassusaat, apisinnaanera, juullip inuata qamutaanik silaannakkut angalanissamut silap qanoq-issusia, piareersaanermut aqutsiveqarfiit sulliviup uterfigisariaqarneranut millisaataasussat kiisalu pinngussanik sanaartornissamut qisuit atugassat amerlassusaat.
Nordregiollu naliliinera naapertorlugu Finland, Norgep avannaa Islandilu Juullip inuanut pitsaanerpaanik atugassaqartitsipput, Nunarput qeqqaniippoq Danmarkilu juullip inuanut atugassaqartitsilluarnerpaat allattorsimaffianni allersaalluni.
Nunatta allattorsimaffimmi qaffasinnerusumik inissisimannginneranut, Juullip inuanullu sulinermi atugassarititaasut pitsaanerunnginnerinut, Juullip inuata Avanersuarmi najugaqarani Finlandimi Rovaniami najugaqarnerata misissuinermi tunngavigineqarsimaneranik pissuteqarsinnaavoq, Juullimmi inuata Avanersuarmi najugaqarnera eqqortuugaluarmat.
Assi: Nordregio // www.nordregio.se (cartographer: Julien Grunfelder)
