Politikki

Josephine Fock Alternativetini siulittaasunngortoq

Josephine Fock Danmarkimi partiimi Alternativetimi siulittaasunngorpoq. Siulittaasunngorniartut arfinillit qineqqusaareerneranni tamanna aalajangerneqarpoq.

Allattoq Ritzau, Helle Nørrelund Sørensen

februaarip 03-at 2020 11:45

Partiip ilaasortaasa akornanni arfininngormat taasisoqarnerani tamanna aalajangerneqarpoq. Siulittaasunngortup Uffe Elbæk taarserpaa.

54-inik ukiulik, Josepthine Fock Alternativetimik 2013-imi pilersitseqataasuuvoq, taannalu qinigaaffimmi kingullermi Folketingimi ilaasortaalluni.

Folketingimulli siorna qinersisoqarnissaanut qinigassanngorteqqinngilaq, taamaammat Alternativet Christiansborgimi partiini kisiartaaluni siulittaasuminik Folketingimiittuutitaqanngilaq.

AAMMA ATUARUK Alternativetip siunnersuutaa ajorineqangaatsiartoq

Fockip ministeriuneq, Mette Frederiksen (S) qaninnerusumik suleqatigerusullugu nalunaarutigaa.

Alternativetimili nuiumanerusut marluk Josephine Fockip qinigaaneratigut ataasinngornermi tunuarniuteqarput.

Rasmus Nordqvist aamma siulittaasunngorniaraluartut partiip politikkikkut oqaaseqartartuattut tunuarpoq, Leila Stockmarrilu Alternativetip siulersuisuinit oqaaseqartartutut tunuarluni.

Josephine Fock Alternativetini siulittaasunngortoq

Aamma atuaruk