Alternativetip siunnersuutaa ajorineqangaatsiartoq
![Thorshavn](/sites/default/files/styles/image_934x467/public/article_images/thorshavn_foto_erik_cleves_kristensen_flickr_0.jpg?itok=2ngPe01a)
Altinget Arktis taama allaaserisaqarpoq.
Atlantikup avannaanut tunngasunut ministereqarfimmik danskit nunanut allanut tunngasunut ministereqarfiata ataani pilersitsisoqarnissaa partiip Alternativetip siunnersuutigaa.
Nunattalu Savalimmiullu naalagaaffeqatigiinneq pillugu oqallinnermi pimoorussamik peqataatinneqarnissaat qulakkeerniarlugu ministereqarfik taanna Danmarkip, Nunatta Savalimmiullu akornanni nikittaattumik inuttaqartinneqartassasoq, Alternativet ilisimatitsivoq.
AAMMA ATUARUK Ministeriuffik Naalagaaffeqatigiinni paarlakaanneqassaaq
Siunnersuulli savalimmiormiut nunanut allanut niuernermullu tunngasunut ministeriannit Poul Michelsenimit ilassilluarneqanngilaq, taassumami ’quianaannartutut’ taavaa.
- Asuli pineruvoq. Nunasiaataaneq qaangiutereerpoq. Ministeri taama ittoq tunngaviatigut pisariaqartinngilarput. Pisariaqartitarput tassaavoq nunat marluusut akornanni ataqqeqatigiinnissaq.
Siunnersuut aamma SF-ip nunatsinnut tunngasunut oqaaseqartartuanit Karsten Høngemit isornartorsiorneqarpoq.
- Savalimmiut Kalaallit Nunaatalu naalakkersuisuinut ajortisaarinertut paasivara. Namminiilivinnissamut ingerlaaleruttortut akornuserniarlugit danskit naalakkersuisuinut ilanngunniarneqarput akuulersillugit. Ingasappallaarujussuarpoq, SF-imeersoq Altinget Arktis.