Politikki Avatangiisit

ASSIT John Kerry tikippoq

John Kerry Kangerlussuarmut pilersaarutit maleqqissaarlugit ullup qeqqarluinnartoq tikippoq, tassalu USA-p nunanut allanut tunngasunut ministeriata nunatsinni tikeraarnera aallartippoq.

Allattoq Thomas Munk Veirum, Jens Thorin

juunip 17-at 2016 15:09

John Kerryp Naalakkersuisut siulittaasuat, Kim Kielsen, aamma nunanut allanut tunngasunut naalakkersuisoq, Vittus Qujaukitsoq, naapippai, taakkuullutillu Ilulissanut ingerlaqqipput.

Kerry taava Ilulissani mittarfimmiit alapernaarsuummut Thetis-imut ikissalluni umiasualiviliassaaq. Amerikami politikeri ikeriarpat, taanna Thetisip Ilulissat kangerluata paanukassaatissavaa, silap qanoq issusiata allanngoriartornera takuniassammagu. Pinngortitaleriffimmeersup Søren Rysgaardip John Kerry kianneruleriartornerup sunniutaanik oqaluttuutissavaa.

Aamma atuaruk John Kerryp nunatsinnut tikeraarnera pingaaruteqartoq

Aamma atuaruk John Kerryp tikeraarnissaanut politiit piareersimapput

Angalasoq sillimaniartitsisorpassuarnit ungalusimaneqarpoq, Thetisimullu qaninngoortussat tamarmik misissoqqissaarneqartarput.

John Kerry alapernaarsuummiit qulimiguulimmik sermersuarmut alakkaassasoq pilersaarutaagaluarpoq, qulimiguullilli ajoquteqarnera peqqutigalugu taamaatiinnartoq, amerikamiut ilisimatitsipput.

KNR-ip paasisai naapertorlugit John Kerry Ilulissaniit nunatsinniillu tallimanngornermi unnulaanerani aallassaaq.