Jens Heinrich Kalaallit Nunaata Sinniisoqarfiani Københavnimiittumi pisortanngussasoq

Kalaallit Nunaata Sinniisoqarfia Københavnimiittoq ukiortaami nutaamik pisortartaassaaq.
Jens Heinrich 48-nik ukiulik Kalaallit Nunaata Sinniisoqarfiani pisortanngussaaq.
Allattoq Ane-Marie Petersen, Anne Meisner Synnestvedt
decembarip 18-at 2021 18:24

Jens Heinrich Kalaallit Nunaata Sinniisoqarfiani Københavnimiittumi ukiortaami pisortatut sulilissasoq Naalakkersuisut sisamanngormat nalunaarutigaat.

Jens Heinrich 48-nik ukioqartoq ukiup affaani kingullermi Sinniisoqarfimmi immikkut siunnersortitut sulisimavoq.

AAMMA ATUARUK IA Folketingimi politikkikkut siunnersortitaartoq

- Nuannaarutigaara suliassaqarfimmi pikkorilluinnartumik Namminersorlutillu Oqartussanut ilisimasaqartumik misilittagaqarluartumillu atorfinitsitsisinnaagatta.

- Piffissami aggersumi Jensip suleqatiginissaanut qilanaarpugut, Naalakkersuisut Siulittaasuat Nunanullu Allanut Naalakkersuisoq Múte Bourup Egede tusagassiuutinut nalunaarummi taama oqarpoq.

Jens Heinrich Oqaasilerinermut, Issittormiut kultureqarnerat, inuiaqatigiittullu pissusii pillugit Ilisimatusarfimmi ph.d. naammassinikuuaa.

Atorfimmut qinnuteqartut katillugit 13-iupput.

Aamma atuaruk