Assi: IA Folketingimi

IA Folketingimi politikkikkut siunnersortitaartoq

Politikkikkut siunnersorti nutaaq Inuit Ataqatigiit Folketingimi allattoqarfiani aasaanerani sulinngiffeqarnerup kingorna aallartittussanngorpoq.

Taanna ateqarpoq Jens Heinrich - issittormiut kulturiat, oqaasii, atuakkiaallu pillugit ph.d.-tut Ilisimatusarfimmi ilinniarsimasoq Nunatsinnilu Saammaateqatigiinnissamut siunnersuisoqatigiinni siulittaasup tullerisimasaa.

Jens Heinrichip sulilernissani qilanaaraa:

- Nunatta oqaluttuarisaanera pillugu allaaserisaqaannarnanga Aaja Chemnitz Larsen allattoqarfiummiullu peqatigalugit nalitsinni politikkimut tunngatillugu suliaqalernissara qilanaarivara, Jens Heinrich atorfininnerminut atatillugu taama allappoq.

IA-meersullu Aaja Chemnitz Larsenip suleqatitaami suleqatigilernissaa aamma qilanaaraa:

- Jens Heinrichip Nunatta oqaluttuarisaanera maannalu pissutsit pillugit ilisimasai Nunarput pillugu Folketingimi politikkikkut sulinermi pingaaruteqarput, Folketingimi ilaasortaq taama oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl