IA Folketingimi politikkikkut siunnersortitaartoq
Taanna ateqarpoq Jens Heinrich - issittormiut kulturiat, oqaasii, atuakkiaallu pillugit ph.d.-tut Ilisimatusarfimmi ilinniarsimasoq Nunatsinnilu Saammaateqatigiinnissamut siunnersuisoqatigiinni siulittaasup tullerisimasaa.
Jens Heinrichip sulilernissani qilanaaraa:
- Nunatta oqaluttuarisaanera pillugu allaaserisaqaannarnanga Aaja Chemnitz Larsen allattoqarfiummiullu peqatigalugit nalitsinni politikkimut tunngatillugu suliaqalernissara qilanaarivara, Jens Heinrich atorfininnerminut atatillugu taama allappoq.
IA-meersullu Aaja Chemnitz Larsenip suleqatitaami suleqatigilernissaa aamma qilanaaraa:
- Jens Heinrichip Nunatta oqaluttuarisaanera maannalu pissutsit pillugit ilisimasai Nunarput pillugu Folketingimi politikkikkut sulinermi pingaaruteqarput, Folketingimi ilaasortaq taama oqarpoq.