Jens-Frederik Nielsen Dansk Industrimik oqaloqateqarnermi: Suleqatigiinnerunngilaq

Sulisitsisut assigiinngitsut, politikerit, naalakkersuisut, inuussutissarsiuteqartut nunanit 19-ineersut Nuummi Katuami ullumi katersuupput, Issittumi inuussutissarsiutitigut periarfissat oqaluuserineqassallutik.

Peqataasut arlallit ullaap tungaani oqalugiarput, paasisimasallillu kingorna oqallillutik.

Kalaallit Nunaata aningaasaliissutinut assigiinngitsunut sukkanerpaamik qisuariaateqarnissaa Kalaallit Nunaata aningaasaliissutinut assigiinngitsunut sukkanerpaamik qisuariaateqarnissaa kissaatigineqarmat, naalakkersuisut siulittaasuata Jens-Frederik Nielsenip (D) iliuuseqartariaqarnera kissaatigineqarpoq..

-Nunarsuarmi pisut sukkaqaat. Imaanngilaq, avatitsinni suliffeqarfiit aningaasaliisartullu allarpassuarnik eqqarsaateqanngitsut aningaasaliiffissaqanngitsullu. Taakkuninngami peqarpugut. Periarfissammi eqqarsaatigineqartariaqartullu taakku pigereerpavut.

Danmarkimi inuussutissarsiornikkut suliniaqatigiiffiit annersaanni Dansk Industrimi pisortaq Lars Sandahl Sørensen taama oqarpoq.

- Massakkut periarfissaqarpoq (Kalaallit Nunaanni aningaasaliinissamut, aaqq.) Tamanna periarfigissaartorujussuuvoq, kisianni periarfissaq taanna ammajuaannassanersoq qularutigaara.

Naalakkersuisulli siulittaasuat toqqaannartumik oqaaseqarluni imminullu quiassuaatigaluni imminut illersorpoq.

Sivisusinnaavoq

Lars Sandahl Sørensenip oqaatigaa nunat allat amerlaqisut inuussutissarsiornermut pitsaasorujussuarnik atugassaqartitsisut. Taamaattumik Kalaallit Nunaata nunarsuarmi soqutigineqarnini tunngavigalugu sukkasuumik iliuuseqartariaqarpoq.

Kalaallit Nunaata aningaasaliissutissat periarfissaasut qulakkeerniarlugit maanna iliuuseqartariaqarnera Christian Keldsenimit Sulisitsisuneersumik aamma Michael Binzerimit Polar Seafoodimeersumit taperserneqarpoq.

- Piviusumik oqaatigalugu massakkorpiaq uagutsinnut ukkatarinnittoqarpoq. Massakkorpiarmi periarfissaqarpugut, Michael Binzer oqarpoq.

Naalakkersuisulli piffissakinneq pissutigalugu piaarnerpaamik iliuuseqartariaqassasut, Jens-Frederik Nielsen oqarpoq.

- Pingaartumik mianersorfeqartariaqarpugut. Oqaloqatigiissutigisinnaavarput massakkut periarfissaq ammasoqartoq, aammalu sukkasuumik iliuuseqanngikkutta matuneqaratarsinnaasoq. Kisianni suli taanna tunngavigalugu Kalaallit Nunaanni atugassarititaasut akuerisinnaasavut naapertorlugit ingerlassaaq.

Jens-Frederik Nielsenip aamma pingaarnerutippaa, nunat Kalaallit Nunaannik “annaassiniartutut” nipeqartumik ikiuisinnaasut pisariaqartinneqanngitsut, soorlu Kalaallit Nunaat nammineq ajornartorsiutinik qaangiisinnaanngitsoq taama isigineqassasoq.

- Taanna suleqatigiinnerunngilaq, Jens-Frederik Nielsen oqarpoq. 

Savalimmiormiut mianersornerat

Aamma Høgni Hoydal, Savalimmiuni politikeriusoq, isumaqarpoq aningaasaliiniarluni aningaasaliisoqassanngitsoq.

- Tassa pineqartoq tassaavoq pilersaarusiorluakkamik namminersorneq, tassa nammineq aningaasaatigut, attaveqaasersuutitigut kiisalu aningaasaliissutit ingerlanneqartut pillugit aqutsineq nammineq pigalugu. Takorluukkagut tunngavigalugit atugarissaartitsinerulersitsisinnaavugut, Høgni Hoydal oqarpoq.

Issittumi aallartitaq, Kenneth Høgh, aamma isumaqarpoq aningaasaliissutissanik nutaanik sukkavallaartumik iliuuseqartoqarujussuartariaqanngitsoq.

- Ullumikkut ingerlatarput tamanna pillugu ersersitsivoq (ataatsimoorluta qanoq killissaliissasugut oqaloqatigiinnerput, aaqq.) Tamatta immikkut qanoq isumaqarnerluta paasiniaavigaarput. Tamanna piffissamik pisariaqartitsivoq, piffissarlu taanna akuerisariaqarpoq, Kenneth Høgh oqarpoq.

Danmarkimi aamma aqutsineqanngilaq

Jens-Frederik Nielsenilli erseqqissarpaa tamanut iluaqutaasussaq pineqassasoq,  Kalaallit Nunaanni innuttaasut sinnerlugit peqataalluni: 

- Kalaallit Nunaanni innuttaasut sinnerlugit maaniippunga, taakkulu sernigalugit sulissuteqartuaannassaanga, qanorluunniit oqartoqarluarpat, Jens-Frederik Nielsen oqarpoq.

- Taamaaliunngikkutta, sukkanerusumik ingerlasoqarsinnaanngilaq. 

Aningaasaliissutit Danmarkimi pissusissamisut aamma aqunneqanngitsut Lars Sandahl Sørensenip akissutigaa.

- Isumaqarussi inuiaqatigiinnik ineriartortitsinermi qanoq ingerlatsinermi suut tamaasa aqussinnaagivut, aningaasaleerusussinnaasunillu nassaartuipallassinnaasugut, taava kukkuvusi, Lars Sandahl Sørensen oqarpoq.

Jens-Frederik Nielsenilli quiasaarluni akipallappaa:

- Tassa Danmark nutaanik naalakkersuisortaaqqaartariaqarpoq, Folketingimut qinersereernerata kingorna Danmarkimi suli naalakkersuisoqalersimannginnera innersuussutigalugu.

Angutit imminnut qungujupput pattalaarlutillu.