Peqqinnissaqarfik naapertorlugu Ittoqqortoormiini decembarimi januaarimilu aamma nakorsassaaleqisoqarpoqAssi: Virna Kromann

Ittoqqortoormiit qaammatini arlalinni nakorsaqannginnissaa ernumanartinneqartoq

Ittoqqortoormiini nakorsassaaleqinerup kingunerisaanik piffissami sivisuumi nakorsaqanngikkallassaaq, taarsiulluguli peqqissaasunik sulisoqartassasoq, Peqqinnissaqarfiup Sermersuup immikkoortuani nakorsat pisortaat oqarpoq. Tamannalu Ittoqqortoormiini innuttaasut ilaata toqqissisimanarinngilaa.

Ittoqqortoormiini najugalik 72-nik ukiulik, Jonas Napatoq, uummamminik ajoquteqarnermi kingunerisaanik nakorsamik akulikittumik atorfissaqartitsisarpoq.

- Pisariaqartippara assorsuaq nakorsaq uanga, atorfissaqartippara iisartagaqarpunga taamannaannaq, Jonas Napatoq  oqarpoq.

Nunatsinni nakorsassaaleqinerup kingunerisaanik Ittoqqortoormiit, 339-inik inoqartoq, juulimi aggustimilu nakorsaqarnavianngitsoq, Peqqinnissaqarfiup Sermersuup  immikkoortuani nakorsat pisortaa Jesper S. Olesen oqarpoq.

- Nakorsanik nunatsinni atorfinikkusuttut ikippallaarnerat Ittoqqortoormiinut aamma sunniuteqarpoq, Jesper S. Olesen taama oqarpoq.

Nakorsaqanngiffianili peqqissaasoqartarnissaa peqqinnissaqarfiup sulissutigaa.

- Peqqissaasunik piginnaasaqarluartunik, Nuummi nakorsanut qanimut attaveqartuartussanik, inuttaliiniarsarivugut, nakorsaq oqarpoq.

AAMMA ATUARUK ”Peqqissuseq inuttut pisinnaatitaaffiuvoq; tamanut peqqissuunissaq piffissanngorpoq”

Innuttaasut ernumasarineqanngitsut

Illoqarfik avinngarusimasumiimmat, imaaliallaannarlunilu ukiorissinerani tikikkuminaasinnaassarmat, ernumassuteqartoqarpoq.

- Nakorsaqarnata taamatut pissagutta ajuuilluni ajorpoq, pisariaqavippoq nakorsaqassasugut. Maani taama avinngarusimatigisumiilluta, Jonas Napatoq oqarpoq.

Innuttaasulli ernumasariaqanngitsut, Peqqinnissaqarfiup Sermersuup immikkoortuani nakorsat pisortaa Jesper S. Olesen isumaqarpoq.

- Aaqqiisimanerput toqqissisimanarilluinnarparput. Innuttaasunut ernumasunut oqarsinnaavunga; ikiuunniarluta najuutissaagut, tamanna qularnangilaq. Peqqinnissaqarfik aamma Ittoqqortoormiiniippoq, ikiuukkusoqaagullu,
Jesper S. Olesen oqarpoq.

Ittoqqortoormiini decembarip qaammataani januaarimilu nakorsaqarsimanngitsoq Peqqinnissaqarfiup immikkoortuani nakorsat pisortaata Jesper S. Olesenip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat