Issittumi unammisitsineq nutaaq: Inuusuttut aallarnisaanermik unammissapput
Nunarput, Danmark, Savalimmiut Islandilu Issittumi inuusuttunik nutaamik unammisitsinissartik ullumikkut saqqummiuppaat.
Issittumi inuusuttut aallarnisaanissamut nutaaliornissamullu nukittorsarnissaat aningaasaliinissamullu periarfissat ilisimaneqarnerulernissaat siunertaapput.
http://www.arcticfuturechallenge.org/categories
Danskit nunanut allanut ministereqarfiat tusagassiorfinnut taama nalunaarpoq.
Danskit nunanut allanut ministeriata, Jeppe Kofodip (S), oqarnera naapertorlugu unammisitsinerup inuusuttunut immikkut saaffiginnittuunerata erseqqissarnissaa pingaaruteqarpoq:
- Issittumi siunissami suleqatigiinnissap ineriartortitsinissallu qulakkeernissaat inuusuttut pisussaaffigaat.
- Inuusutttut Issittumi pinngortitami isumalluutit siunissami atajuartussamik atorluarneqarnissaannut akisussaafigilertussaavaat, ministeri tusagassiorfinnut nalunaarpoq.
1. Arctic Youth Startup of the Year
2. Arctic Youth Founder(S) of the Year
3. Best Artic Youth Business Concept
Tusarfik: Danskit nunanut allanut ministereqarfiat
Unammeqataasut 18-it 29-llu akornanni ukioqassasut
Unammeqataasut 18-t 29-llu akornanni ukioqassapput, aamma ilinniartuussapput imaluunniit soorlu nunatsinni Savalimmiuniluunniit suliffeqarfiuteqassallutik.
Inuusuttut unammisitsinermut peqataanissaminnut nalunaarsinnaallutillu unammisitsinermi immikkoortuni assigiinngitsuni pingasuni unammisinnaapput:
Ukiumi kingullermi ineriartorluarnerpaasimasumik suliffeqarfinngorlaateqarneq immikkortumi siullermi unammissutigissavaat.
Aallarnisaasutut ukiumi kingullermi immikkut angusaqarluarsimaneq immikkoortup aappaani unammissutigissavaat. Tamanna sullitat amerlinerannut, tunisaqarnermut, aningaasaliisussarsiornermut atajuartitsinermulluunniit tunngasinnaavoq.
Suliffeqarfimmik ingerlatsinermut pitsaanerpaamik pilersaarusiorneq immikkoortumi kingullermi unammissutigissavaat.
Annguttut tamarmik Reykjavikimi Islandimiittumi ajugaaniutivinnermi pilersaarutit malillugit oktobarimi pisussami peqataassapput.