Israelip Hamasikkut Islamisk Jihadilu Gazami saassukkai

Israelip kujasissuani Gazamut killeqarfiup nalaani sakkuaattoqartuarsinnarpoq, islamisiortut Hamasikkut Islamisk Jihadilu sumiiffinni 500-nit amerlanerusuni eqqorneqarlutik.

Israelimi illersornissaqarfiup IDF-ip paasissutissaatai aallaavigalugit Frankrigimi nutaarsiassaqartitsivik AFP ataasinngornermi ullaakkut taama allappoq.

- Hamasip Islamisk Jihadilllu Gazami pigisai 500-nit amerlanerusut IDF-ip timmisartuutaanit, qulimiguuliutaanit, sakkussiaanillu allanit unnuap ingerlanerani eqqorneqarput, peqqarniisaarniat eqqornerqarput, IDF oqarpoq.

Inissiat assigiinngitsut eqqorneqartut IDF-ip oqaatigaa, Hamasimeersut ilaat eqqorneqarlutik.

Islamisiortut Hamas Gazami aqutsisuupput.

Ataasinngornermi ullaakkut suli sakkuaattoqartoq nalunaarutigineqarpoq, sivisuumillu sakkuaattoqarnissaa ilimagineqarpoq.

Inuit 1000-nit amerlanerusut maannamut toqutaasimapput, taakkunannga sakkutuujunngitsut 100-likkuutaat.