Hamas saassussivoq Israelimiut 40-t toqutaapput 740-ullu ikilerneqarsimallutik
Palæstinamiut pikitsitsisut Israelimut sorsulerput, taama oqarpoq Premierministeri Benjamin Netanyahu.
Taannalu mianersoqqusivoq, Israelimiut saassussinermut akisillutik saassussinerat sakkortussasoq
Netanyahup oqaatigivaa, hamas, islamistinik taaneqartartut, arfininngornermi tupattitsillutik saassussipput, saassussisullu siornatigut misiginikuunngisaannakkaminnik akiniarneqarumaartut - taama allaaserinnipput Israelimi tusagassiorfiit.
Israelimiut 40-ut sinnerlugit toqutaasimasutut nalunaarutigineqarput, inuillu 740-ut missaanniittut ikilerneqarsimasut nalunaarutigineqarpoq - Israelimi tusagassiorfiit taama allaaserinnipput.
Arfininngornerup ullaavani Hamas Gazamiit, raketsinik qaartartunik tusintilippassuarnik Israelimut aallakaatitsivoq, Israelillu kujasinnerusortaaniittut illorfippassuit isaaffigereersimavaat. Taamaattoqareernerani, Premiermisteri Benajmin Netanyahu, massakkut sakkutooqarfiup qitiusumik inissisimaffiani Tel Aviv-imiippooq.
Hamas, Islamimik upperisallit pikittitsisut, Gaza aquppaat, tassanngaanniillu palæstinamiut raketsinik qaartartunik 5000-inik Israelimut aallakaatitsimapput. Israelimiullu sakkutooqarnermut oqaaseqartartuat naapertorlugu, Raketsit 2500-t aallakaatinneqarsimapput.
/Ritzau