Islandimiut angalatitsiviat: Takornariarpassuaqarnissaq Kalaallit Nunaata anguniassanngilaa
Islandimit sorpassuit ilinniutaasinnaapput, ilaqarpullu assigilernissaanut tulluanngitsut. Reykjavikkimi Greenland Centremi aqutsisoq, angalatitsivimmik Kalaallit Nunaannut angalatitsisartumik ingerlatsisoq taama oqarpoq.
- Islandimit ilinniutaasinnaasut arlaqarput, kisianni aamma ilikkagassarinngisaqarpugut, Magnus Asgeirsson oqarpoq, taanna nunatta kujataani takornariaqarneq pillugu ilinniakkaminik naammassissutimini allaaserisaqarsimavoq Greenland Centremilu ulluinnarni aqutsisuulluni.
Busserpassuit
Taanna nassuiaavoq Islandip takornariaqartarneranut killiffia annertooq angusimagaa, tamannali ingasangajassinnaasoq. Takornariat millionit ukiormanna tikinnissaat Islandip naatsorsuutigaa, tamannalu pitsaasuinnaanngilaq, Asgeirssonilu isumaqarpoq tamanna Kalaallit Nunaata assilissanngikkaa.
Aamma atuaruk Islandip Nunarput suleqatigiumagaa
Aamma atuaruk ASSIT Kalaallit Nunaannut pilerisaarummik Reykjavikimi ammaasoqarpoq
- Taamatummi amerlassusilinnut inissaqarpallaanngilaq. Soorlu maani Islandimi The Golden Circlemi, busserpassuit amerlaqisut imaaginnavittut aqqusaartartut. Takornariaqarnermi ileqqoq Kalaallit Nunaata angussallugu misiliutigisassarinngisaa. Takornariarpassuaqarneq, Magnus Asgeirsson oqarpoq.
Eqqarsaqqissaarluni iliuuseqarneq qinerneqarli
Taassuma Kalaallit Nunaannut tunngasut immikkuullarissuuneri tuniniagarai. Ullumikkullu takornariat arlallit tupaallaatigisarpaat Ilulissanut takornariat tikittartut amerlanerat.
Aamma atuaruk Nittartagaq "Nunataq" nunatsinni takornariartitsisartunut aammaassisuussaaq
Aamma atuaruk Air Iceland: Qaqortumi mittarfiliortoqarnissaq pisariaqartinneqanngilaq
- Isumaqarpunga Kalaallit Nunaannut iluaqutaasinnaasut ilarigaat immikkuullarissuunini attatiinnaruniuk, takornariarpassuaqarnerlu anguniagarinngikkuniuk. Akiata qaffasinnerulaarnera ajoqutaanngilaq. Takornariat sorliit tikisinniarnerinut immikkut ujartuilluni taasisinnaasariaqarpoq, taassuma oqaatigaa.
Ataatsimoorluni iliuuseqarneq
Asgeirssonip oqaatigaa, Kalaallit Nunaanni ilaatigut pisoqarnissaanut ilaatigut utaqqisoqartarsinnaasoq. Mittarfik nutaaq allaluunniit. Erseqqissarpaalu isumaqarluni iliuuseqartoqartariaqalersoq.
- Takornariaqarneq pillugu maannakkut iliuuseqartariaqarpugut. Taamattoqassappallu takornarialerisut tamaani uagutsitut Air Icelanditut ittut Kalaallillu Nunaannut timmisartut tamarmik akornanni ataqatigiilluni ingerlasoqartarpoq. Kisianni maannakkut tassa iliuuseqartoqartariaqalerpoq, Asgeirsson oqarpoq.
